منتديات زحمة بنوتات
يــِـِـآ غْـِـِـِيْـِـِـِر مُـِـِـِسَـِـِـِِجَـِـِـِل
|  قصة بنت عانس لاتفوتكم  46 |
لأنـنـآ نـعـشـقِ التـميز واـِمُـِمَـِيّـزِيْـטּ يشرفنـآ إنـظمـآمڪ معنـآ فيـﮯ مـنـتـديـآت زحمة بنوتات |  قصة بنت عانس لاتفوتكم  066 |
أثبـت تـوآجُـِدڪ و ڪـטּ مـטּ الـِمُـِمَـِيّـزِيْـטּ ..!
|  قصة بنت عانس لاتفوتكم  112210071131hlvuoj63wggsgsa6 |
لـِڪي تـسـتـطـيـع أن تُـِتْـِِבـفَـِنَـِـِا [ بـِ موآضيعـڪ ومشارڪاتـڪ معنـِـِـِآ سجل]؟ ] |  قصة بنت عانس لاتفوتكم  QMt44553 |

المديرة العامة|  قصة بنت عانس لاتفوتكم  XyU44139 |

منتديات زحمة بنوتات
يــِـِـآ غْـِـِـِيْـِـِـِر مُـِـِـِسَـِـِـِِجَـِـِـِل
|  قصة بنت عانس لاتفوتكم  46 |
لأنـنـآ نـعـشـقِ التـميز واـِمُـِمَـِيّـزِيْـטּ يشرفنـآ إنـظمـآمڪ معنـآ فيـﮯ مـنـتـديـآت زحمة بنوتات |  قصة بنت عانس لاتفوتكم  066 |
أثبـت تـوآجُـِدڪ و ڪـטּ مـטּ الـِمُـِمَـِيّـزِيْـטּ ..!
|  قصة بنت عانس لاتفوتكم  112210071131hlvuoj63wggsgsa6 |
لـِڪي تـسـتـطـيـع أن تُـِتْـِِבـفَـِنَـِـِا [ بـِ موآضيعـڪ ومشارڪاتـڪ معنـِـِـِآ سجل]؟ ] |  قصة بنت عانس لاتفوتكم  QMt44553 |

المديرة العامة|  قصة بنت عانس لاتفوتكم  XyU44139 |

منتديات زحمة بنوتات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات زحمة بنوتات

 
الرئيسيةالبوابةأحدث الصورالتسجيلدخول

 

  قصة بنت عانس لاتفوتكم

اذهب الى الأسفل 
3 مشترك
كاتب الموضوعرسالة
أحلى ميموووp:
مشرفة قسم الهمس والقوافي
مشرفة قسم الهمس والقوافي
أحلى ميموووp:


انثى
عدد المساهمات : 63
نقاط : 142
السٌّمعَة : -1
تاريخ التسجيل : 14/10/2010
المزاج :  قصة بنت عانس لاتفوتكم  Atkasakh
MMS~ :  قصة بنت عانس لاتفوتكم  Wfj57163
الاوسمة : ..
 قصة بنت عانس لاتفوتكم  081229103017CzY2
(مجموع الاوسمة 1 )

 قصة بنت عانس لاتفوتكم  Empty
مُساهمةموضوع: قصة بنت عانس لاتفوتكم     قصة بنت عانس لاتفوتكم  Emptyالأربعاء أبريل 13, 2011 7:11 am

بسم الله الرحمن الرحيم
السلام عليكم ورحمة الله وبركاته
ترا ماني فاضيه احط مقدمه >>>>> واحد سألك
هذه القصه لوحده عانس تقول
مازال الامل موجود
قلت هالكلمه وانا اناظر خشتي بالمرايا ..مازال الامل موجود .. يعني لو تنعم ذاالشوشه والخشم يقصر شوي والبراطم ياليت من يدخل ابره وينسمهن والعيون تاسع وتكبر والخدود يوردن كان اصير ملكه جمال بسم الله علي>>>وش بقى مير
وبينما انا اهوجس بخشتي تدخل علي امي وتقول: قومي اكنسي الحوش
قلت: هاااااااااه
قالت: اللي سمعتيه
وطلعت وتركتني احارب هم كنس الحوووووووش ..حاولت اقنع نفسي واشجعها للفكره وقلت كوود يشوفن ولد الجيران وانا اكنس الحوش ويعشقن ويخطبن >> احلام عانس...
نزلت الحووووووش وكنسته وانا رافعتن قميصي ومطلعتن العصاقيل مير لمحت ولد الجيران فتح الطاقه وقال استخخخخخخخخخفر الله وصك الطاقه
قلت بقلبي : يااااي ياربي يستحي
وبعد ماقضيت من كنس الحوش طلعت حجرتي اخذت شاور ثمن نزلت الحوش مرة ثانيه>>>>ناويه تجيب اجل ولد الجيران
واقعد على المرجيحه وعيوني على طاقتهم .. شوي والمحه ياربي طلع يشوفني>>>ايه هين ........ وكان ماسك الجوال ويتكلم عاد مين يكلم مدري !! بس شكله يكلم احد>>>لاياشيخه..
المهم وابدا اتمرجح وبينما انا في هذه الحاله المقرفه فاذا بـــ أمي تطب علي !! وهذا اللي ماعملت حسابه
اول مالمحتها طيرت عيوني وقلت: يماااه شوفي ابن الكلب النذل الحقير ولد الجيران قاعد يوايدز علي
وامي تناظرني وتهوجس: وش يناظر فيتس ياحسره وانا جايبتن عاهه مهب بنت ....قومي بس ادخلي بلا فضايح
.
.
بعد هالموقف .. اقصد بعد ماصدت ولد الجيران وهو يوايدز علي =يبصبص للعرابجه .. وانا ماااااااش مدري شجاني ..اول مرة احس اني انثى وفتنه مثلي مثل كل البنات ..
ومرة من المراريت كنت منسدحه افكر وش البس لا جوا الجيران يخطبونن لولدهم؟ يووه اخاف ابوي يردهم ويقول بنيتي توها صغيره >>> مير مب مصدق يفتك منتس
وبعد وش اسوي لا اعرست؟ اكمل دراستي والا افضي نفسي لزرجي وعيالي؟ طيب لا اعرست وعشت بعيد عن اهلي وعزموني جيراننا على عرس بنتهم وش البس>>>>>> يبيلها تكفيخ على ذا السؤال..
وبينما انا اهوجس بمستقبلي ومستقبل عيالي اللي بيجيبهم .. فإذا بي اسمع صوت امي: ملووووسنه ملوووووسنه وضربه ...
انا: سمي يماااااااه ........ ورحت لها صارووووخ خبركم عاد اللي يبر بوالدينه عياله يبورن بوه وانا لاخطبن ولد الجيران واعرست عليه ابي عيالي يبورني>>>>> مصررررة انه بيخطبها
قلت: سمي يمه ناديتين؟؟
قالت: ايه اخوانتس يلعبون بالحوش.. طلعي راستس من الطاقه وناديهم يجون يتعشون
قلت: يمه انا تبيني اطلع راسي من الطاقه؟ بعدين شلون اناديهم عيب يمه مايصير نسيتي اني بنت وصوتي فتنه
قالت: اهااابس ناديهم ولايكثر هرجتس.. مير اللي يسمع صوتس فتنه عليه مهب صوتس اللي فتنه>>>>ياشين التحطيم
وناديتهم طبعا تتوقعون وش صار يوم ناديتهم.... كل الهنود اللي بالبقالات تجمعوا قدام بيتنا يحسبونن شغاله والله مب مني وش ذنبي اني اشبه التكارنه
.مرة تشجعت وارسلت له هالرساله:
وربطت الرساله بحصاة وجدعتها على طاقتهم شوي والا ترجعلي الرساله مشققه ومكتوب على وصله منها (استخخخخخخخفر الله) بيني وبينكم تحطمت مشاعري وانجرحت وقلبي عورني بس قلت احسن وش ابي بواحد ماعنده نظر وراسب بالعربي وبالدين بعد اجل ( استخخخخخخخخخفر الله ) :
رحت لحجرتي ودخلت وصكيت الباب>>>يقالي بسوي احداث.. والقى اخوي قاعد(ن) يحوس باغراضي
قلت: خير وش عندك بغرفتي
قال: كنت اسلي نفسي الين تجين
قال: اقول اسمعي عاد لا تجلسين تنافخين.. انا جايتس ابي منتس خدمه وش قلتي؟
قلت: اخلص وش عندك
وطلع من جيبه صورة بنت مزيونه وقال: شفتي هالبنت
قلت: الله يلعنك منهي ذي؟
قال: وحدة
قلت: احلف على بالي واحد>>>>>ياشين استخفاف الدم
قال: اسمعي بسسسس هذي بنت ناس اغنيا بس ياحرام توفت قبل شهرين بحادث
قلت: توفت الله يرحمها ... انا وش دخلن؟
قال: اصبري خليني اكمل كلامي لا اعطيتس كف .. هالحين اهل البنت مرررة متاثرين ياحرام ويبون وحدة تشبهلها يربونها وتعيش عندهم
قلت: طيب انا وش دخلن؟
قال: انتي هالبنت
قلت: اقول بس وخخخخخر .. هالحين انتم اللي هو انتم اهلي متفشلين مني وذاك اليوم طحت بالسوق اختي بعدت عني وقالت مااعرفاها .. تبي الناس يخلونن بنتهم..
قال: صدقيني... فيه شبه كبير بينهم
قلت: لا عاد احلففففف .. يعني انا بمستوى جمالها>>> ودخلت بمرحلة الهواجيس ..
قال:لاعاد مهب لهالدرجه .. صحيح انكم تشبهون بعض .. بس هي على احلى وانتي على اشين
قلت: والله من زين الشرح .. دام ماعندك اسلوب وماتعرف تجامل لا تسولف مع الناس وتجرح مشاعرهم
قال: انتي اللي سالتيني
قلت: حتى لو انا اللي سالتك .. ماتعرف تكذب؟؟
قال: طيب انتي حلوة وتهبلين الحين اهل البنت متأثرين ويبون وحدة تشبه بنتهم يربونها وتعيش معهم وش قلتي؟
قلت: وش يربونها ؟؟شايفني كلب والا بسه يربوني واعيش معهم
قال: يعني خلاص ماتبين؟
قلت: شف من ناحية اني اسوي عمل خير ليش لا ؟؟ بس وش المقابل يعني كم بيدفعون>>>وين عمل الخير اللي تتكلمين عنه
قال : نتفاهم بهالموضوع بكره مع الجماعه
وطلعته وصكيت الباب وبلللللللللطت قدام دولابي .. ناظرت دولابي وخنقتني العبره تصدقون ينفع اصورة وانزل الصورة بالجريده واكتب تحتها (نستقبل تبرعاتكم على العنوان التالي)
مير كل خرقه تقول للثانيه وخخخخخخخري انا اشين منتس.. والا الجزم بس!! احلى صندل ورثته من اختي قبل تتزوج..
بعدين اروح انا وشوشتي وبنت الجيران مستلفتن السشوار مني وشابكته على 220 ومنحرق لكن هييييييين ابطلع قيمته من عيونها
وطلعت من غرفتي باتجاه الصاله حيث تقبع عائلتي الكريمه ووقفت بالنص بحيت اقطع الارسال بينهم ..ناظرت ابوي وقلت: يبه ابي فلوس ؟
قال: ياشين المزح هالحزه
قلت: يبااااااااه من جد اتكلم مسأله حياة او موت
قال: روحي غرفتس ولايكثر هرجتس
ناظرت امي وقلت: يمااااااااه قولي شي
قالت: روحي غسلي الكراث وجيبيه :
قلت: الشرهه مب عليكم الشرهه عاللي تصير بنتكم>>>> عسى ماتكلفتي بس
ورجعت لحجرتي وانا اجر حبال الخيبه والخيبه تجر حبالي .. وقلت مالي الا اعتمد على نفسي اببتل وانا تحت رحمة اللي اسمه (ابوي) واللي اسمها (امي)>>>>>جحدتهم .......
وبجيب الفلوس بجيبها لو حتى اسرق!! اسرق!! ايه وراه مااسرق وابوي الفلوس على قلبه مثل الرز .... بعدين السالفه لافيها تانيب ضمير ولاشي لانها بالنهايه بعد عمر طويل الله يطول بعمرك يايبه الفلوس يتصير لي يعني لايوجد فرق بين الان وبين بعد عمر(ن) طويل>>>>>>يخرب بيتك ياشوشو خربت اخلاق البنت>>>>>والا يعني كانت الاخلاق تمام نسيتي ولد الجيران والعصاقيل
جبت قلم ورسمت الخطه بدفتر الرياضيات حق اخوي من ورى>>>>تسمع بالتوفير... خطه انما ايييييه متخرش الميه >>> اخاف انها تخر دلاخه مش ميه..
الخطه اني انتظر لمين يجي الليل وينام البيت كله وابدا بالتنفيذ وادخال اليد في جيب ثوب ابوي واخراج المحفظه وفتحها ومن ثم اخراج مبلغ وقدره ومن ثم اعادة المحفظه في جيب الثوب ولا انسى اخراج يدي من الجيب>>>>>اخاف من الربشه انساها او يجوز لها الوضع وتبتل بوه
وجاء الليل ونام كل من فالبيت بما فيهم انا>>>>خربت الخطه .... لكن شوشو صحاني من النوم وقال يالله يالملوسنه حان وقت نتفيذ الخطه.. بيني وبينكم كنت خايفه وضميري يدغدغن لكن شوشو شجعني >>> حتى الشيطان بيتدلع.. بيلبئلوه يؤبر ألبي
نفذت الخطه بحذافيرها ولطشت لي كم خمس ميه وانحشت لغرفتي ونمت وانا ضميري مستريّح>>>الله يخلي شوشو يهون عليك بهالمواقف ويخليك تقدر تنام
من بكره وانا رازتن نفسي بالسوق وشريت لي احلى بدله واحلى صندل طبعا كلووووو ماركه حتى البكله شريتها ماركه وصرت كلي من فوق لتحت ماركاااااااااات..
ورحت للكوافير وسنعت لي خشتي وشوشتي وصرت احلى من مذيعة صادوه 2 بعد عمليات التجميل>>>يعني مااستفدنا شي
وبعد مارحت لهم وقابلت جدتهم
قالت الجدة: ملوسنه هذا الدكتور مايكل متخصص جراحه وتجميل نبيه يصلح خشمتس وبراطمتس وكم حته كذا
قلت: والله؟ منزمان وانا ودي اغير خشمي
ودخلوني غرفه وخدروني وبعد كم ساعه قمت ومدري وش جاني ...... كيذا يوم قمت حسيت نفسي بنت>>>العادة تقوم وتحس نفسها عنز.. حسيت اني ناعمه شكلهم بعد غيروا الجلد ..
ناظرت حولي وبديت اتحكك ياربي اثره شعري لا تحركت يتحرك معي>>والا العاده تنكسر الرقبه والشعر توه بمكانه...
صرخت باعلى صوتي: هاااااتوا مرايا تكفون مافيني صبر>>>> ياربي حتى صوتي وش هالنعمومه معقوله حتى الاحبال الصوتيه غيروها
وجابولي مرايا وناظرت فيها وقلت: انا قلت عطوني مرايا مهب صورة عارضه ازياءءءء
قالوا: هذي مرايا
قلت: لا عاد ..... وبديت احرك حواجبي واعفط خشتي باشوف هي صدق مرايا والا يلعبون علي
وبعد مااقتنعت ان هذي انا حسيت بنشوه عارمه والفرحه سيطرت على كياني والبسمه احتلت خشتي.
وقلت عرس سوير بنت جيراننا نهاية الاسبوع... قسسسسسم لو احضره كان كل اللي بالعرس يخطبوني وانا عاد اتدلل واتنقى بلا ولدالجيران بلا بطيخ ...
تذكرت ولد الجيران والتفت على الدكتور وقلت له: دختور مايكل انتم سويتوا شي بظهري؟
قال: مير غيرنا العمود الفقري كله
قلت: اشوى لان ظهري انكسر من كثر مااكنس الحوش عشان اشوف ولد الجيران اشوى انكم غيرتوه لان مابي اي شي يذكرني بالماضي المرير>>>> شكلهم حتى غيروا المصطلحات اللي بقاموسي اجل مرير اجل
وصرت اعيش عندهم وعطوني جناح كامل وانواع الدلال اول مرة بحياتي اقول كلمة( مــامــي) العاده اقوله يمه والا يماااااااع.. بس تدرون وانا هالكلام اقوله عن تجربه ..كلمة مامي غير شكل تحس انك شي وانت تقولها.. اول مرة احس اني انتمي لفصيلة البشر.. وان لاصارلي شي لاسمح الله بياقفون معي حقوق الانسان صراحتن مليت وانا احتري جماعة الرفق بالحيوان ينظرون في امري ..والا يوم سمعت ان رجل اعمال تبرع بثروته للكلاب الضاله جلست احتري عند باب بيتنا احتري ياصلني شي من المساعدات..
طبعا مانسيت اهلي الصدزيين وبيتي الاولي عاد منيب قليلة خاتمه لهالدرجه.. بس كنت اتعيجز ازورهم والا اكلمهم ...
لكن مرتن من المراريت مسكت علبة كبريت ولقيت مكتوب عليها(قديمك نديمك) والله ثم والله اني مدري وش معنى هالجمله والا هل هي مثل والا بيت شعر لكن يوم قريتها خنقتني العبره ورحت ازور اهلي واخذت لهم هدايا وطبعا مانسيت اميمتي جبت لها كم حزمة كراث معتبر مستورد من ايطاليا وجبت لها كبتشينو كراث وكراث سنبون و كراثييز>>(على وزن كوكيز)..
ورجعت لابوي المبلغ اللي لطشته منه وفوقها بوسه.. وسددت لاخوي اقساط السيارة وعبيت له بنزين ونويت اعشيهم وقلت كل واحد يقول وش مشتهي والا اميمتي تقول: ابي سمك محشي بكريريث>>>>> مير ياشين القراوى لاتطوروا
وبعد فتره هدت نفسيه ام البنت ورجعت لطبيعتها وقالت خلاص ياملوسنه ارجعي لاهلتس ومشكورة على اللحظات السعيده اللي عيشتيني فيها وهذا حسابك..
عطتني شيك وصرفته وبنيت لي عمارة اترزق منها
وعشت حياتي طبيعيه حياة بنوته حلوة وامورة بنوته سعيده والعرسان على باب بيتنا طوابير طوابير لدرجه ان مليت من كلمة: ملوسنه جاتس خطاطيب
ومرة كنت طالعه اعمل شوبنق ووقفت بالحوش احتري السواق يجيب السياره والمح ولد الجيران يواديز علي.. ناظرته وقلت ( استخخخخخخخفر الله) .. وطلعت وصكيت الباب
على فكره قبل لا :what: انسى ترا الموضوع مسروووووووووووووق اقصد منقول:what: k19
الرجوع الى أعلى الصفحة اذهب الى الأسفل
RORO
مشًرفِه عــآمًهـ
مشًرفِه عــآمًهـ
RORO


انثى
عدد المساهمات : 555
نقاط : 962
السٌّمعَة : 0
تاريخ التسجيل : 01/02/2011
المزاج :  قصة بنت عانس لاتفوتكم  Atsf7
MMS~ :  قصة بنت عانس لاتفوتكم  886fd705ce
الاوسمة : ..
 قصة بنت عانس لاتفوتكم  081229103017CzY2
 قصة بنت عانس لاتفوتكم  081229103429Rp1i
(مجموع الاوسمة 2)

 قصة بنت عانس لاتفوتكم  Empty
مُساهمةموضوع: رد: قصة بنت عانس لاتفوتكم     قصة بنت عانس لاتفوتكم  Emptyالخميس أبريل 14, 2011 10:57 am

يسلمووووووووووووو
الرجوع الى أعلى الصفحة اذهب الى الأسفل
LOooOLY
عضو جديد
LOooOLY


البلدة : ..
عدد المساهمات : 10
نقاط : 12
السٌّمعَة : 0
تاريخ الميلاد : 01/03/1994
تاريخ التسجيل : 19/01/2012
MMS~ :  قصة بنت عانس لاتفوتكم  Get-7-2010-d7ka88x3
الاوسمة : ..

 قصة بنت عانس لاتفوتكم  Empty
مُساهمةموضوع: رد: قصة بنت عانس لاتفوتكم     قصة بنت عانس لاتفوتكم  Emptyالخميس يناير 19, 2012 6:48 am

مررره رووووعه
~~ <3
الرجوع الى أعلى الصفحة اذهب الى الأسفل
 
قصة بنت عانس لاتفوتكم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات زحمة بنوتات  :: منتديات زحمة بنوتات الأدبية والشعرية :: قصص واقعية - حكايات - قصص خيالية-
انتقل الى: